بەڕێز سامان به‌رزنجی، وه‌زیری ته‌ندروستی حكومه‌تی هه‌رێمی كوردستان ڕایگەیاند: وەزارەتی تەندروستی هێڵی گه‌رمی ته‌رخانكردووه بۆ وه‌رگرتنی سكاڵای هاووڵاتیان و به‌دواداچوون بۆ كێشه‌كانیان له ئه‌گه‌ری هه‌ستپێكردنی دیارده‌ی بازرگانی پزیشكان له‌گه‌ڵ ده‌رمانخانه و تاقیگه پزیشكییه‌كان.
بەڕێز وه‌زیری ته‌ندروستی حكومه‌تی هه‌رێمی كوردستان ئاماژه‌ی به‌وه‌كرد، هه‌ر هاووڵاتییه‌ك هه‌ستی به بوونی دیارده‌ی رێككه‌وتن له نێوان هه‌ر پزیشكێك له‌گه‌ڵ ده‌رمانخانه كرد، ئه‌وا له‌رێی هێڵی گه‌رمه‌وه وه‌زاره‌تی تەندروستی ئاگاداربكاته‌وه تاكو بتوانن به‌زووترین كات به‌دواداچوونی بۆبكه‌ن، به مه‌به‌ستی پاراستنی مافی نه‌خۆش.
هه‌ر كاتێك هاووڵاتیان هه‌ستیان به‌و دیارده‌یه كرد، ده‌توانن له رێگه‌ی هه‌ردوو ژماره مۆبایلی وەزارەتی تەندروستی ئاگادار بکەنەوە