بناڤێ خودایێ مەزن و دلۆڤان

مالپەرێ ئینتەرنیتێ رۆلەکا گرنگ هەیە بۆ گەهشتنا پێزانینان ل هەمی بوارێت ژیانا ئەڤرۆدا و ب تایبەتی ل جیهانا ئابوری و گەشت و گوزار وساخلەمیی .

ل چەند وەلاتێن جیهانیدا ژڤانا سەرەدانا نوژداران و دانانا ژڤانا نیشتەگەریان و وەرگرتنا چارەسەریی دهێتە ئەنجامدان ب رێکا مالپەرێن ئینتەرنێتی ، هیڤی ئەوە کو ئەم ژی بشێین روژەکی هەمان ریک بگرینە بر و ئەم سەرکەفتنی تیدا بهینین .

دەمەکا درێژە کو ئەم هیڤینە مالپەرێ ساخلەمیا زاخو ژ دایک بیت و ئەڤرو ئەو رۆژە کو ئەو خەون هاتیە جێبەجێکردن .مالپەر ب هەولدانا کارمەندێن پشکا زانیاریا تەکنۆلوژی (Informational Technolgy) ل رێڤەبەریا ساخلەمیا زاخو هاتیە دانان و ب هەڤکاری دگەل و پشتەڤانیا رێڤەبەریا گشتی ساخلەمیا پارێزگەها دهوکی .

ل دەمێ سەرەدانا مالپەرێ بهێتە کردن دێ چەندین زانیاریێت گرنگ دهێتە زانین وەکو ئامارێت رۆژانە یا سەرەدانا نەخۆشان و جورێت نیشتەگەرییان و چەندین زانیاریا پشکێن جودا جودا سەر ب رێڤەبەریا ساخلەمیڤە .

هەلبەتە مالپەر دێ ب سەرەدان و پێشنیارو سرنج راکڕشانیت هاولاتین بەرێز دێ پتر دەولەمەند دبیت ، ب مەرجی رەخنە و بۆچونیت هەوەیێن بەریز مەبەستا ئاڤا کردنی بیت . هیڤیە ژ خودایی مەزن کو ب رێکا ڤی مالپەری ئەم بشین خزمەتەکا باشتر بۆ هاولاتیین خو یا هێژا بکەین و داوا لەش ساغی بۆ هەمی هاولاتیان دکەین و تەندروستی بو هەمی نەخوشان .


نوژدار
قرني سعید عبدالله
رێڤەبەریا ساخلەمیا زاخو